|
| Janda kambang |
|
PAMBAKAL Duan wayahini lagi bacari bibinian, maklum sidin sudah lawas saurangan karna ditinggalakan mati bininya. Sual bacari
bibinian ini, sidin parcaya banar lawan Palui.
"Lui, cariakan bibinian. Aku tahu ikam urangnya pangawan wan banyak kawan kalu. Janda atawa balu kada papa jua, asal hakun
ku ambil bini," ujar Pambakal Duan waktu tadapat Palui.
"Kabalujuran banar Pambakal ai. Ulun ada baisian kanalan janda. Sidin takanal sabagai janda kambang. Di kampungnya sidin takanal
banar sabagai janda kambangnya kampung, samunyaan urang pasti tahu."
"Bujuran janda kambangkah Lui, di mana kampung sidin? Ikam tahu saurang kalu, aku nangini hantu babinian jua, asal aku tahu
rumahnya pasti kudatangi," ujar Pambakal Duan.
"Bujur... asli janda kambang pambakal ai, lamun pian ka sana, bapadah ulun nang manyuruh, sabab ulun sudah rakat bakawan wan
sidin," ujar Palui sambil manjulung kartas alamat si janda kambang.
"Tarima kasih banyak Lui lah, baik banar ikam wan aku. Ini nah duit sapuluh ribu, gasan ikam baulanja," jar Pambakal langsung
bajauh.
Kaisukan harinya imbah bailang ka rumah si janda kambang, Pambakal Duan kulilik ka sana ka mari mancari Palui. Imbah tadapat
langsung haja sidin manyarik.
"Dasar panipu banar ikam nangini Lui ai, muha nangkaya simpang ampat nangitu ikam padahakan janda kambang. Cucuk ai ngarannya
gin Bu’ut Parmatasariki, pas haja pang lawan urangnya," ujar Pambakal Duan manyumpah.
"Hauuww, sabar Pambakal jangan talalu manghina ciptaan Tuhan, muha pian gin babaya sangkut jua kalu," ujar Palui manyabari
Pambakal Duan.
"Maka jar ikam sidin nangitu janda kambang kanapa muhanya nangkaya itu," ujar pambakal magin manyarik.
"Sidin nangitu memang asli janda kambang, karena gawian sidin sabujurnya bajualan kambang di pasar. Pian banar ai nang tasalah,"
jar Palui pulang.
"Bah... iya am... diwaluhinya aku," jar Pambakal Duan kakalahan sambil bajauh maninggalakan Palui nang takurihing saurangan.
(repro)
--------------------------------------------------------------------------------
Copyright ? 2003 Banjarmasin Post
KADA KAWA BEKUNYUNG
| Kada kawa bakunyung |
|
KADA KAWA BEKUNYUNG
sumber: sapos.co.id
KADANG-kadang gawian itu kawa mendatangkan risiko nang meolah seawakan merinding takutan. Apalagi mun kadada alat pengaman,
tambahnya ai meolah perasaan tambah kada nyaman.
Kaya itu jua wan Iwan Hangit nang hari itu kebujuran mendapat tugas ke luar daerah. Inya ini kesahnya di suruh wan bosnya
memoto urang begawi di daerah Palaran. Tapi menuju ke Palaran itu, inya kada naik oto, malah naik speed boat. Tahu naik speed
boat, perasaan Iwan Hangit ini kontan kada nyaman.
"Sudah aku puasa kaya ini, naik speed pulang. Mana aku ini kada pernah sama sekali naik nang ngarannya speed, kaya apa gerang
rasanya," ujar Iwan betakun sorang dalam hati.
Sekalinya kada lawas, bejalan ai si Iwan naik ke atas speed. Tapi kada lawas speed bejalan, si Iwan kebeliangan sorang. Inya
menjawati pinggiran awak kapal behimat. Melihat nang diolah Iwan, kekawalannya nang lain, teheran-heran melihati. "Ai, kenapa
pulang ikam takutan kaya itu. Ikam kawa bekunyung kalo," jar kawalnya menakuni.
Ditakuni kaya itu, Iwan malah sarik sorang. "Itu masalahnya wal ai, aku ini kada kawa bekunyung. Mana speed ini jalannya kaya
handak tebalik haja lagi. Pokonya aku ini jara meumpati bubuhan ikam," jar Iwan.
Mendangar Iwan kada kawa bekunyung, bubuhannya nang lain tetawaan sing nyaringan. (wm-7)
|
